Димаш Құдайбергеннің жанкүйерлері әншінің інісі Мансұрдың өнеріне тәнті болды (видео)

Әнші Димаш Құдайбергеннің інісі Мансұр Құдайберген Астанада домбырашылар Темірлан мен Ернат дуэтімен бірге үлкен сахнада өнер көрсетті, деп хабарлайды KAZ.NUR.KZ.

Димаш Құдайбергеннің қарындасы Раушан Құдайберген, інісі Мансұрмен түскен фотосын желідегі парақшасында жариялады.

"Мансұртайымның Темірлан, Ернат ағаларымен берген алғашқы шығармашылық кешінен естелік. Бәрі керемет өтті", - деп жазды Раушан Құдайберген Instagram желісінде.

Сондай-ақ Мансұрдың анасы Светлана Айтбаева да Instagram желісінде концерт алдындағы сахна сыртындағы суретін жариялады. Кадрдан Мансұрды және әжесін байқауға болады.

"Концерт басталар алдындағы суреттер. 18 мамыр", - деп жазды Светлана Айтбаева.

Сонымен қатар Светлана Айтбаева ұлы Мансұрдың орындауындағы композиция үзінділерін жариялады. Желі қолданушылары Димаштың інісі ағасының жолын қуып келе жатқанын және Димаш сияқты дарынды екенін атап өткен.

"Құттықтаймын", "Мансұр, сен кереметсің. Әрине сені Димашпен салыстырады. Бірақ Мансұр басқа адам, қайталанбас өнерпаз. Осыны бәріміз түсініп, қолдайық. Өте талантты жас", "Мансұр қандай әдемі болып өскен", "Димаш ағаңдай әлемге әйгілі бол", "Браво! Шығармашылық кештерің көп болсын", - деп пікір қалдырды оған Димаштың жанкүйерлері.