Жаңа жыл туралы балаларға арналған 7 ән

Жаңа жыл – балалар асыға күтетін мереке. Осы мереке қарсаңында балаларға арналған Жаңа жыл туралы әндер топтамасын ұсынуды жөн көрдік.

Маңызды тұстар

Бұл мәтін автоматты түрде ЖИ көмегімен жазылған және редактор тексермеген, сондықтан фактологиялық және грамматикалық қателер болуы мүмкін. Толығырақ жарияланымда.

• Мақалада балаларға арналған жеті Жаңа жыл әні ұсынылған.
• Әндер арасында "Жаңа жыл әні", "Келді, міне, Жаңа жыл", "Шыршаға бардық", "Шырша жыры", "Шырша", "Қош келдің, Аяз ата, Ақшақар" және "Аққала" бар.
• Әндердің сөздері мен әуендері әр түрлі авторлардың шығармашылығы, соның ішінде Сәкен Дәрібаев, Сайлаубай Тойлыбаев, Бота Бейсенова, Айжігіт Асанов және Серікбай Оспанов бар.

Жаңа жыл

әні: Сәкен Дәрібаев

сөзі: Сайлаубай Тойлыбаев

Көк шыршамыз ырғалып,

Жатыр дала, қыр нағып

Жылым келді аппақ жүзі нұрланып.

Жарасатын еліме,

Төрлет, жылым, төріме,

Бейбіт жатқан қазағымның жеріне.

Қайырмасы:

Жаңа жыл! Жаңа жыл! Жаңа жыл!

Ақ көрпесін жамылды ғой дала, қыр.

Жаңа жыл! Жаңа жыл! Жаңа жыл!

Шалқытайық шаттық ән мен жаңа жыр.

Шыршамызға шам жағып,

Қараймыз ғой тамсанып,

Би билейік, ал қанекей, ән салып.

Аяз ата – әніміз,

Ақшақарың – сәніміз,

Қарсы алайық Жаңа жылды бәріміз!

Күлімдесін күніміз,

Жалындасын жүзіміз,

Қуанышпен келсін Жаңа жылымыз.

Жаңа жылым – шаттығым,

Арайланып атты Күн,

Тілейікші елімізге сәтті күн.

Келді, міне, Жаңа жыл

Әні мен сөзі: Бота Бейсенова

Келді, міне, Жаңа жыл,

Шаттық сыйлап әр үйге.

Жаңа бақыт, жаңа нұр –

Үлкен, кіші, сәбиге.

Жаңа жауған ақ ұлпа,

Қар жамылды даламыз.

Балаларды сағынта,

Келді Аяз атамыз.

Айдай ару Ақшақар,

Көмекшісі сол екен.

Аяз ата – ақсақал

Сыйлықтары мол екен!

Қандай сұлу шыршамыз,

Ортамызда тұр жайнап!

Жаңа жылда баршамыз,

Шаттанайық, кел, ойнап!

Шыршаға бардық

Әні: Айжігіт Асановтікі

Сөзі: Серікбай Оспанов

Жаңадан тақпақ

Аламыз жаттап.

Жаңа жыл келді,

Жаңа жыл аппақ.

Қайырмасы:

Шыршаға бардық

Әсем ән салдық.

Аяз атадан

Сыйлықтар алдық.

Қуантып елді,

Жаңа жыл келді.

Өсетін болдық,

Бір жасқа енді.

Шырша жыры

Әні мен сөзі: Бота Бейсенова

Қане, достар, тұрмайық,

Қарсы алайық жыл басын.

Қызықтан бос қалмайық,

Шырша жыры самғасын.

Қайырмасы:

Ал, достарым, келіңдер,

Келді Аяз атамыз.

Биге билеп беріңдер.

Шырша жырын айтамыз.

Шырша жырын айтамыз.

Құтты болсын Жаңа жыл,

Шыршамыз тұр жараса.

Жанында Аяз ата жүр

Қуанады балаша.

Аппақ қардай береке

Даламызда самғасын.

Жаңа жылдай мереке

Таба берсін жалғасын.

Шырша

Шырша тауда туыпты,

Шырша тауда өсіпті.

Енді бізге қонаққа,

Жасыл болып келіпті.

Қайырмасы:

Шырша, шырша, шыршамыз,

Әнге қосылшы!

Шырша, шырша, шыршамыз

Биге қосылшы!

Ойыншықтар тізілген,

Шырша бізге қарап тұр.

Қандай жақсы, керемет

Мерекеміз – Жаңа жыл!

Қош келдің, Аяз ата, Ақшақар

Жаңа жыл келіп еліме,

Қуанышпенен баршаға.

Аяз ата мен Ақшақар,

Келеді бірге ортаға.

Қайырмасы:

Қош келдің, қош келдің

Аяз ата, Ақшақар.

Сіздер үшін ән салады

Біздің барлық балалар.

Мерекенің келгеніне,

Қуанышпенен баршаға.

Құтты болсын, бұл ағайын,

Құтты болсын бұл Жаңа жыл!

Аққала

Жиналдық та топ бала,

Жасап алдық аққала.

Аққаланың қасында

Әппақ емес мақта да.

Қайырмасы:

Бәрімізді біледі,

Бізге қарап күледі.

Бір қолында – сыпырғыш,

Бір қолында күрегі.

Көзі қара көмірдей,

Сәбіз мұрны көрінген.

Ауызы бар ағаштан,

Телпегі бар темірден.